بسم الله الرحمن الرحيم
شهدث قرية الزوامل محافظة الشرقية 200 حالة تسمم من مياه الشرب بين شيوخ وأطفال ونساء
كما ان شركة أكو العربي ألق الضوء على ذلك من خلال نشر الخبر على صفحة الرسمية فى فيسبوك
ونشرت أقوال أحد شهود العيان والصور
حيث قال شاهد العيان للواقعة:
دلوقتي فيه قرية جنب بلدي اسمها ( الزوامل ) حصلت فيها حالات تسمم بسبب مية
الشرب .. وما لايقل عن ٢٠٠ شخص بين راجل وست واطفال وشيوخ راحوا
المستشفى .. ومقدرتش طبعا تستحمل عددهم .. ومنهم اللي مش لاقي دكة يقعد عليها ..
*
فبعتوا الحالات الخطرة وعددهم ٧٠ شخص لمستشفى مدينة مشتول وبلبيس والزقازيق ..
*
المفروض اول تصريح على لسان محافظ الشرقية انه ينشر تحذير شديد اللهجة
ويعممه للتاكيد على امتناع الناس من شرب المية في الحنفيات عشان العدد ميكبرش
والازمة تستفحل ويبقى فيها وفيات .. لأ .. أول تصريح له ان ده بسبب اكل مش نضيف في فرح !!!
*
والتصريح ده نتشه بحذافيره من تصريح لرئيس مصلحة المية بالشرقية لليوم السابع
عشان ينفي التهمة عنه .. واكن البيانات الحكومية زي اللعبة الحلوة اللي لما تتلعب
الكل بيشجعها حتى لو ادت لموت الناس ..
*
الناس دخلوا الجوامع وذاعوا في الميكرفونات ان محدش يستخدم مية الحنفيات لحد ما
يشوفوا لها هم حل ..
*
وهي دي سياسة مسئولين الدولة دلوقتي .. الهدف الاساسي انهم يتنصلوا من اي
مسئولية ويقولوا لأ مش بتاعتنا .. ويكملوا كمان في الهري وميتصرفوش لحل
المشكلة .. واكنهم صدقوا نفسهم ان مفيش اصلا مشكلة ..
*
الناس طبعا معجبهومش الهبل ده وقطعوا طريق القاهرة بلبيس الزراعي ومحدش
سائل فيهم !!!
*
الف سلامة عليكم يا اهل بلدي الكرام .. ومسيرها تتعدل .
*
( ماسورة المية اللي في الصور بمدينة ٦ اكتوبر والمفروض انها اجدد من بلدنا .. بس عندنا زيها نفس النوعية ) .
____________________
اليكم الصور
إرسال تعليق