من الان فصاعدا عليك ان تحذر
فعلوم لا تدمر الصحة فقط بل وقد تسبب الوفاة ..
توفت أيمان سعيد .... علوم هتاخد حقهاااا...
.
هل توفت أميرة بسبب الاهمال .... والغازات السامة بمعامل علوم ؟
..
.
نقلاً عن احد الطلاب
روحت انا و مجموعة من الطلبة عزاء الطلبة اميرة سعيد
اللي اتوفت من 4 أيام
وسألنا اهلها عن اللي حصل ..
والدها : موجزا قال ده اجلها ..
طيب الدكاترة قالت سبب الوفاة اية ؟؟
في طلبة فالكلية بتقول ان جالها تسمم فالمعمل ؟
: انا معرفش ان في حاجة حصلت فالكلية وده اجلها وعمرها انتهي ..
مضغطناش عليه كان الله في عونه ..
__________________________________
روحنا اتكلمنا مع خال ليها :
حضرتك احنا زمايل ايمان فالكلية وعايزين نعرف اية اللي حصل ؟
حاولنا نعرف من والدها بس هو متأثر ومش قادر يتكلم ..
او مش عايز يتكلم
: الاربع اللي قبل اللي فات كان عندها معمل عضوية ..!!
روحت البنت .. بالليل حصلها اختناق شديد
اتنقلت مستشفى الجامعة و دخلت العناية المركزة ...
الدكاترة قالوا : اشتباه في حاله تسمم بالدم نتيجة استنشاق غاز
سام مما ادى لانخفاض نسبة الاكسجين بالدم ..
فضلت فالعناية المركزة ليوم الاربع اللي بعده
(( الاربع السابق ))
خرجت ورجعت البيت لكن التنفس مش زي الاول ..
بالليل الساعة 12 : اختناق شديد
الساعة 3 توفاها الله ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
طيب هي مكانتش بتعاني من اي مشكلة فالتنفس قبل كدة ؟
ولا عندها اي مرض صدري ؟
لا خالص ..
* عمرها ما اشتكت من اي حاجة او اي تعب ؟ فالقلب أو
اي حاجة ؟
خالص
..
___________
________________
خال تاني للبنت :
احكيلنا اية اللي حصل وسبب الوفاه ؟؟
: هتصدقني ؟؟
اكيد ..
هي ماتت بسرها , احنا منعرفش اية اللي حصل
طيب حضرتك بيتقال انها استنشقت غاز سام فالمعمل هو ده
السبب !!
: انت عايز توصل لاية ؟؟
احنا مش عايزين حاجة غير اننا نعرف سبب وفاتها !!؟
: حتى لو اللي انت قولته صح و انا مش متأكد منه فابو
البنت رده كان واضح .. بنته توفت وهو سلم امرها لربنا ..
تمام بس انا مسألتش علشان امشيكم ف سكة ولا اي سبب
غير ان علشان لو اللي حصلها بسبب مشكلة فالكلية ميحصلش
ف حد تاني
رد : انا الحقيقة معرفش
__________________________________
_______________________
________________
_____________
________
_____
___
_
-
الشاهد : البنت _رحمه الله عليها _ من بلد ارياف
واهلها مش عايزين حد يتكلم ولا يفتح فالموضوع
وده كان واضح جدا فتعامل الناس معانا هناك ..
هما سلموا امرها لربنا ..
لو كان في سكة نمشيها علشان نعرف سبب الوفاه الحقيقي
وان كان ليها حق نرجعه ف اول خطوة كانت تيجي من اهلها
بس الخطوة دي مجاتش ! بل بالعكس !!
كما ان التقرير الطبي اللي ادفنت بيه البنت
مقالش انها ماتت بسبب اختناق نتيجة استنشاق غاز سام وده
اللي اكدة خالها التاني لما اتلكمنا معاه وكمان قال احنا مش
عايزين بهدله ..
_______________
الله اعلم لو كان لها حق أم خشي أهلها على الفقيدة
رحمهااااااااا الله.
===================================================
الموضوع لسه مش انتهى الموضوع هنا بيبتدي
السنة دي بس ودعنا أكتر من سبعه من أخواتنا فى علوم
رحمهم الله ...
وهناااا عندنا واقفة كان فى خبر انتشر من فتره المفروض كان
هز الدنيا !!!!
لكنه كالعادة مر مرور الكرام لان دي كليه العلوم كليه قمة
وأساس التقدم لكن برة مش فى مصر
الخبر أهه
ممكن تقرأه او تشوف اللى هنجيبه منه وبس
احنا مهددين بالعقم والسرطانات لان مفيش معايير جوده ولا
أمان ولا تهوية مش هتكلم كتير بس انااا قلت ان اللى حصل
شئ متوقع
=======================
مقاطع من الخبر
أحد الطلاب بقسم «بيوتكنولجى» ويدعى «محمد على» قال، إن تطبيق درجة الأمان بالكلية لا يزيد على 50% فى أحسن الأحوال، كما أن الأمر يعتمد على ثقافة الطالب ودرجة وعيه بخطورة المواد التى يتعامل معها، إضافة إلى وعى المدرس المساعد والمشرف الذى يلزم الطلاب بتطبيق مبادئ الأمان من ارتداء قفازات فى الأيدى، ونظارات زجاجية وبالطو، إضافة إلى التحذير الدائم عند استخدام المواد الخطرة والغازات التى يؤدى استنشاقها إلى الإصابة بأمراض خطيرة مثل السرطان.
«تختلف درجة الإصابات التى تحدث للطلاب، نتيجة عدم الاهتمام بتطبيق إجراءات الأمان وتبدأ من جروح سطحية إلى اختناقات فى بعض الأحيان، أو تطاير مواد على الأعين فى حالة عدم ارتداء النظارات الطبية الواقية».
لا يهتم أغلب الأساتذة بالحفاظ على معايير الأمان داخل الكلية، لأن المعامل غير مجهزة ولا تتوفر فيها الشروط اللازمة لتطبيق السلامة، ونلحظ ذلك بسهولة من خلال ما نستنشقه من روائح عندما نقترب من المعامل، التى تستخدم أدوات بدائية، أحيانا نستخدم غازات ضارة فى المعمل».
طلاب الفرقة الأولى بالكلية هم الطلاب الأكثر عرضة للمواد الخطرة لكثرة حضورهم المعامل من ناحية، ولعدم معرفتهم بالمواد الخطرة من ناحية ثانية، «لبنى إبراهيم» تقول: «أغلب المعامل لا تخضع لشروط الأمان والسلامة اللازمة وترى ذلك من خلال الروائح الكريهة داخل المعمل، والأدوات البدائية، فلا يلتزم أغلب الطلاب بارتداء نظارات طبية أو قفازات ويقتصر الأمر على البالطو فى أغلب الأحيان». من طلاب بالكلية إلى خريجات اكتشفوا بعد تخرجهم إصابتهم بأمراض الحساسية والجيوب الأنفية، ومنهم «دعاء مصطفى» خريجة كلية العلوم جامعة القاهرة قسم الكيمياء عام 2009 والتى تقول: «أثناء دراستنا بكلية العلوم كانت إجراءات الأمان لا تطبق بشكل كامل خاصة الكمامات مما عرض أغلبنا للإصابة بأمراض الحساسية والجيوب الأنفية، وهذا ما حدث معى، ومع عدد كبير من زميلاتى بالدفعة، اللاتى تعرضن للإصابة بنفس الأمراض».
«علوم عين شمس»... معامل تحتاج إلى التطوير
11 معملا فى الكلية فى حين هناك أربعة معامل أخرى غير مطابقة لهذه المواصفات. لمعيد الذى رفض ذكر اسمه قال، إن التأكد من تطبيق معايير الأمان فى المعمل وعلى الطلاب يتوقف بشكل رئيسى على درجة اهتمام المشرف على المعمل، لافتاً إلى أن بعض المشرفين يصرون على ارتداء الطلاب البالطو وقناع الوجه وتشغيل الشفاطات، والبعض الآخر من الممكن ألا يهتم بالتأكيد على هذه الخطوات. وأكد أن بعض الغازات مضرة، وقد تسبب الأمراض مثل العقم أو السرطان، مثل البروم الذى يسبب العقم وثانى أكسيد النيتروجين الذى يسبب الإصابة بالسرطان فى حالة استنشاقه مباشرة، كما يسبب الفشل الكلوى. وأوضح أنه نتيجة لضرر هذه الغازات لا يتم استخدامها بشكل كبير، لافتا إلى أن بعض الأساتذة يكتفون بالإشارة إليها نظريا نتيجة خطورتها، فيما يختار بعض الأساتذة استخدامها مع التأكيد على اتخاذ الإجراءات الوقائية اللازمة. وأكد أن المعامل تحتاج إلى تطوير ومتابعة مستمرة من إدارة الجامعة، بمعنى أن يكون هناك على الأقل مراقبة نصف سنوية للمعامل، مطالبا بإصدار تقرير عن حالتها يتناول المشاكل أو العيوب الموجودة فى الأدوات التى تحتاج إلى تطوير. وأشار إلى أن أسقف المعامل يجب أن تكون مرتفعة، مع وجود شفاطات، وأن يكون هناك مسافات كافية، وأن تكون المواد الكيميائية موضوعة بشكل معين ومرتب، ويمنع تماما وجود مكاتب داخل المعمل.
«علوم حلوان».. معامل متهالكة وإصابات متكررة
داخل كلية العلوم بجامعة حلوان لم يختلف الوضع عن غيره فى بقية الجامعات فوفقا لأحد المسؤولين، المعامل بعضها متهالك، خاصة التابعة لقسم الكيمياء كما أن الطاولات التى يتم إجراء التجارب عليها تآكلت بسبب المواد الكيماوية التى يتم استخدامها.أما الشفاطات الموجودة فبعضها لا يعمل من الأساس والبعض الآخر يعمل بكفاءة منخفضة، كما أن بعض المواد الكيماوية منتهية الصلاحية ولا تحقق النتائج المطلوبة فى التجارب.
وأشار المسؤول، الذى طلب عدم ذكر اسمه، إلى أن أمناء المعامل هم الأكثر عرضة للمخاطر، لافتاً إلى أن بعضهم تعرض للإصابة بأمراض الحساسية والربو بسبب الغازات، مؤكدا أن بعض المواد الحمضية التى يتم استخدمها فى المعمل من الممكن أن تتسبب فى حروق بمختلف درجاتها وبعض هذه الحروق يتم علاجها والبعض الآخر يمكن أن يترك أثرا دائما فى جسم الإنسان.
الان ما بالكم ببكليه العلوم جامعة الزقازيق وباقى الجامعات؟؟
إيمان سعيد رحمهااااا الله سواء توفاها الله بسبب المعامل أم لا
فلابد من تطهير للمعامل وتطويرها وتأمينها بأحدث اساليب
الامان وفقا لمعايير الجودة وقواعد الامان
وهذا حقى كمواطن وكطالب علم فى بلدى التى تسعي لتعليمي
لاكون عمااااد لها وساعد لتنميتها وحمايتها .
#علوم_هتاخد_حقهااااااا
Post a Comment