السلام عليكم ورحمه الله وبركاته
موضوعنا انهارده مهم جدا جدا
تعالو بينا يالا نعرفه ونعرف ادق تفاصيله
هيبقي ع جزئين او اكتر لان الموضوع ملئ بالمعلومات القيمه
الموضوع شيق جدا ويستحق القراءه والاهتمام
نراه كثيرا ف مجتمعنا ونجزع ونشعر بالندم والحزن والبغض عند سماعنا له
ولكن هل ف يوم ارادنا معرفته جيدا ف هذا المقال هنعرف معظم الاشياء
نبدا يالا
اول حاجه جسم الانسان بيتكون من خلايا مختلفه الشكل والوظيفه ودا عارفينه
وعارفين كمان ان كل خليه تحتوي ع غلاف خارجي ونواه
طيب النواه فيها بتحفظ المعلومات الاساسيه للخليه والمعلومات دي تتواجد ف الحامض النووي
واحنا عارفين ان الجينات هي التي تحدد نظام وطريقه عمل الخليه
طيب احنا الخلايا ف جسمنا بتموت بشكل طبيعي واي نقص يحدث
يقوم الجسم بتعويضه من خلال الانقسام
وطبعا عارفينه ودرسناه قبل كده
طب بشكل مبسط عند الانقسام تقوم الخليه بانتاج نسخه اخري من الحامض النووي وتنقسم لخليتين
والانقسام عاده ما يحدث بشكل منتظم عشان جسمنا يتمكن من النمو او الاستبدال او اصلاح الانسجه التالفه وبكده الخليه هتتمتع بصحه جيده
طب انتي عاوزة تتكلمي عن السرطان طب هو اصلا ازاي بيتكون او ايه بيحصل ف الجسم هقولك
الخلايا اللي ف جسمنا لما بتخرج عن النظام دا بتضعف وتمرض
زي مثلا لما بنسافر برا مصر بنتعب صح
عشان غيرنا نظام والبيئه اللي اتعودنا عليها
طيب ف حاله السرطان تنمو خلايا غير طبيعيه وتتكاثر بشكل كبير ولا تتوقف عن التكاثر والانتشار وبكده هتتمكن من العضو وتسبب بما يسمي بالورم
طيب ماتيجوا اقولكم ايه انواع الاورام
اول حاجه
ورم حميد وهو غير سرطاني
بيكون محفوظ ف غشاء ولا ينتشر ولكن البعض فيها يسبب مشاكل للعضو المصاب اذا كان حجمه كبير
طب هنحس ازاي بيه من خلال الضغط ع العضو المصاب او ع الاعضاء المجاوره ليه
طيب ايه علاجه
يتم علاجه بالجراحه او بالعقاقير او بتصغير حجم الورم ويتم الشفاء منها تمام وغالبا لا تعود
تاني حاجه الورم الخبيث وهو طبعا سرطاني وموطن موضوعنا وكلامنا اصلا
الورم الخبيث ينتشر بسرعه وبيعمل ع تدمير الانسجه المحيطه به
طيب بينتشر ازاي
اول حاجه عن طريق الجهاز الليمفاوي
تاني حاجه عن طريق الدم
من خلال انفصال خليه او اكتر من الورم السرطاني الاول وتنتقل خلال الجهاز الليمفاوي او الدم بحيث هتستقر ف مكان ما وغالبا ف مكان غني بالدم
مثل طبعا الرئه . الكبد . العقد الليمفاويه مسببه الورم السرطاني الثانوي
السرطان مش مرض واحد زي مااحنا فاكرين السرطان عباره عن مجموعه من الامراض وتتعدي 100مرض وتتشابه ف بعض الخصائص
طيب انا عماله اتكلم عن السرطان محدش جه ف باله هو ليه اصلا اتسمي بالاسم دا
هقولك ياسيدي بكل بساطه
لان الاوعيه الدمويه المنتفخه حول الورم تشبه سرطان البحر
وزي مااحنا عارفين السرطان بيحدث لما الخليه بتخرج بره السيطره وعن النظام اللي بيتحكم ف عمل الخليه زي باقي الخلايا السلميه
سبب السرطان قالوا انه بسبب حدوث خلل ف الحامض النووي عند الانقسام
ونسبه التعرض للخلل بتزيد كل ما بتعرض لمسببات السرطان اصلا زي قطران اللي ف دخان السجاير
طب فين جهاز المناعه من دا كله
جهاز المناعه طبعا مهيسكتش وهيبدا انه يحارب كل خليه غريبه داخله الجسم ويدمرها ...
بس ساعات الجهاز المناعي يفشل ف تحديد الخلايا السرطانيه لتشابهها مع باقي الخلايا فتقوم بالانتشار والانقسام وتسبب السرطان
طب ايه هي مسببات السرطان اصلا
اول حاجه الجسيمات المسرطنه مثل الاشعه فوق البنفسجيه ،النظائر المشعه ،وبعض المعادن ذات الالياف
نمسك حاجه حاجه بقي
النظائر المشعه هتعمل ثقوب ف الحامض النووي لما يتعرضلها وكده هتسبب خلل ف الحينات
طيب هو اصلا النظائر بتيجي منين
اولا من الاشعه السينيه وكلنا عارفينها
الاشعه الكونيه اللي بتصل للارض
غاز الرادون هو متواجد ع الارض بشكل متفاوت
ثاني حاجه الاشعه فوق البنفسيجيه من الشمس طبعا
وبتعمل ع ترابط البروتينات ف الحامض ف الوقت الذي لا يجب ان تكون كذلك وبكده هيسبب خلل برضو
طب اخر حاجه بقي المعادن ذات الالياف مثل
Asbestos
دي بتدمر الحامض النووي لكبرها
مواد كيميائيه مسرطنه مثل Benzopylene
وهنلاقيها ف دخان السجاير
وال vinyl chloride المستخدمه في الصناعات البلاستيكيه
مسرطنات بيولوجيه مثل الفيروسات والبكتيريا
مثال ع الفيروسات مثل human papilloma virus سرطان عنق الرحم
والبكتيريا مثل helicobcter pylori سرطان المعده
السرطان بيمر ب 3مراحل
1-البدايه
بيبدا تكوين الورم وع خليه ف تغيير بسيط في عملها وطريقه التحكم
والمواد التي تسبب ذلك مواد مسرطنه
2-التطور
يتكون الورم عن طريقه خليه واحده وبيتم بالانقسام والنمو زي ما ذكرنا
ع حساب باقي الخلايا ويمكن رؤيته ميكروسكوبيا
3-الورم الاكلينيكي
ف هذه المرحله يكون الورم كبير الحجم
واذا لم يتم علاجه يستمر بالانتشار وطبعا هيدمر الانسجه المجاوره بل ممكن يوصل للاعضاء البعيده
السرطان ف بعض الخلايا سريع النمو والاخر بطئ
وايضا من الممكن يكون نشط وسريع الانتشار واحيانا يكون خاملا
وذلك ع اختلاف الخلايا ووظائفها
دا كان اول جزء عن المرض
انتظروا الجزء الثاني
إرسال تعليق