علوم هتاخد حقهااااااا

بسم الله الرحمن الرحيم

"انما يخشي الله من عباده العلماء"

صدق الله العظيم.
علوم هتاخد حقهااااااااا

رسائل موجهة لوزارة التعليم العالى، لتنفيذ مطالبنا خريجى كلية العلوم، وذلك بتدشين هاشتج "#علوم هتاخد حقها"، والتي تتمثل فى الاتي:1\المسمى الوظيفى،مساواة بخريجى كلية الصيدلة،
2\توفير عمل فور التخرج،
3\السماح بإصدار ترخيص بافتتاح معامل وعدم انتسابها لخريجى الجامعات الأخرى، معرفة نوع العمل الذى يلتحق به فور إنهاء دراسته الجامعية.

نص رسالة الطلاب

، "يبقى لينا مسمى وظيفى زى الدكتور الصيدلى، يبقى لينا شغل مينفعش يبقى فى خريج علوم عاطل أو شغال حاجة مش متعلقة بدراسته، ومعامل التحاليل تبقى من حق خريج كلية العلوم، ومش من حق الصيدلى ياخد الميزة دى مننا، لازم كل طالب يبقى عارف هو هيشتغل إيه لما يتخرج ودى من أبسط الحقوق لينا بعد دراسة وتعب أربع سنين".

وكانت اراء بعض طلاب علوم ومقترحاتهم كالتالي:

حنا كشباب لازم نشجع بعض إن احنا ناخد حقنا زينا زى أى كلية لها تنسيق عالى وذاكرنا وتعبنا فيها كمان كتيييير أووووى وده من أبسك حقوقنا إننا نعرف ع الأقل شغلنا ولقبنا بعد التخرج لأن لحد دلوقتى مش عارفة إحنا إيه بالظبط بعكس طب وصيدلة وغيره ..من حقنا كمان ناخد تكليف بعد التخرج وكمان نلاقى شغل ويتغير المسمى الوظيفى من كيميائى إلى أخصائى مش معقول درسنا مواد من كل الكليات ومش عارفين إحنا فين منهم ...ونطالب كمان إننا ننضم لنقابة الأطباء بدل ماحنا متسوحين كدة ....علوم هتجيب حقها إن شاء الله.

مع احترامى لجميع الكليات العلمية الاخرى .انا وكل طلاب علوم شايفين ان حقنا فعلا مهدور وسط الكليات العلمية التانية مثلا تمريض بتكليف شغل وطب كذلك وصيدلة كذلك وعلوم !!!!!!!! كان فى وخلص .......ليه انا مش فاهم مع ان الدول الاخرى اكتر اهتمامها بكليات العلوم وهيا الابند الاول عندهم بجد عاوزين نعرف مصيرنا ........ عاوزين فرص عمل بعد التخرج مباشرة ............ونفسنا بجد نعرف احنا شغلنا فى مجال ايه فى الدولة دى.

ليه الدولة مش بتبص لخريجي كلية العلوم من العلماء خارج مصر أمثال د.زويل وفاروق الباز ود. مصطفى السيد الناس دى لها احترامها خارج مصر ليه خريجى علوم مظلومين فيها البلد محتاجه لعقول نضيفة ارجوكم اكسبوا العلماء بلاش تخسروا الحاجة الحلوة اللى فيها.

لازم يبقي لينا تعيين زي غيرنا من الكليات العملية لاننا تعبنا ف الدراسة وكل الناس عارفة انها كلية مش سهلة والاوائل لازم يتعينوا ودي حاجة منطقية بعد تعبهم يعني.

كلنااااا امل في كرم الله 

ثم مجهود كل طلاب علوم 

لتتحقق أمالنا فى مستقبل افضل.

علوم هتاخد حقهااااااااااااا.

قدمها لكم طالب من علوم

اللجنة الثقافية.

اتحاد طلاب علوم.